دنیا وارکن شکر یمیز قند یمیز
داغ داشینا باغلیدی پیوند یمز
اوزاخ یولدان کندیمیزه قاچاریخ
گوگرچین تک یووامیزا اوچاریخ
کند یمیزه اوره گیمیز دویونور
خالق اینچینده آدی گله اویونور
یولدان گلیب یتیشنده سئوونور
اوردا گئدیب غم غصانی آتاریخ
یولداشلارا قووم لارا چاتاریخ
قارا چئخا کند یمیزین شاه داغی
ساری جبل جیران لارین اویناغی
چالی لاری قئز گلینین بایداغی
هریاندا یام قلبیم اوچار کندیمه
دام دیواردان بیر یول آچارکندیمه
شوندلی نین قیرخ قویروقو ایوانی
گوزلر اولوب قامتی نین حیرانی
قدّینه باخ کندی اوزاخدان تانی
اوردا بیتر اروانا لار چیچکلر
اوندان ساری چوخ چئرپینیر اوره گلر
اون آلتی نین گونئی لری قوزایی
گزمه لیدی پاییز لاری یاز یایی
آیری یئرده یوخدو او داغین تایی
دووارلارین زاغا لاری آغیلی
عاشیق لارین قوشمالاری ناقیلی
بیر قاپیلی شورجا چایی هرده لر
یل گلنده کنده ساری گول سپر
زهلی دره قیزیل گوموشه دیه ر
چاخماخ تپه قارا قویو چیمد لیک
تانری میزا تک یاراشاندی تکلیک
اهک کوره قالا یئری بورا یئر
اوودان ایچی مستان تپه شورا یئر
گویلر اوّل یارا نیبدی سورا یئر
امیر قولو اینچه بورون قویو لو
چوروه چولو داغ دوشو گوندوز یولو
دیوارلی یول یکه باییر کوهنه چول
سیلو گلیب اوو آمبارا دوشدو گول
چاناخ چاناچ سوچولارین پایین بول
دوققوز جوغون اون بش جوغون شاجی سی
شیرین له شیر آلما لارین آجی سی
جین یالیدی داشلی چایدی قارال خاش
یول آیری می ایده لی حدی آغ داش
قارا قویون سوتو اولور قوو تماش
یاندیخ لاردان آجی سویو سوزولور
چوبان لارین کالاش لاری اوزولور
قارا گولون طاسیرانین ساز یولو
چولدن چوله گچیب گئدیب گاز یولو
آدام زادا شیطان دیه ر آز یولو
گل اورگدن آجی لیغی سوز گئد ک
ساز یولونو کندیمیزین دوز گئد ک
دووار گئچر تپه دیبی یولون دان
گوندوز بورنون گورر ساغی سولون دان
یئیه ر دویار یاییلمین بولون دان
یئلین لری دری لری یاغ اولور
مجمه گی ده خاماتی قیماغ اولور
قالال تپه یوقون بورون باغلا ما
آیری لیغین قوللارینی یا غلا ما
یولاداش لارین اوره گینی داغلا ما
گل بیر اولوب کندیمیزه ایشلی یک
لواشینی گیرده سینی دیشلی یک
تپه دالی قالا یئری آغجا قال
بیر گل اوتور اوره گیمین دردین آل
سوزلریمی بیر بیر ائشید کنده سال
بلکه گنه قووم قارداش یئقیشا
آیری لیغین تایا لاری آلیشا
اوزاخ یئره دیه ر دیلر ایت اولن
یاخچی دانیش نه سوی بیزی نه سولن
شیرین لیگه قاتیب آجین پای بولن
یاقوتو لار گزنه گیلر فخری لر
کند اوشاقی اوز کندینه فخر ائلر
قریخ آرشیندان سو ایچه نه یولودو
ائل روزوسو آخار سودان بولودو
قووم قونشو بیر بیرینه قولودو
جار ائلییب بیچینی نی بیچردی
دوققوزلویوب آیرانینی ایچردی
قارنی یئرتیخ دووارلی باغ آغ زاغا
بووغان گزر اوزگه نی قویماز باغا
دویمج یئیه ن گیرده نی دوغرار یاغا
قئزلار گئدر خرمن یئرین کورویه
قوی مو یالار غم اوره گی بورویه
عم قیشلاقی کنده بیر آز اوزاخدی
بیچین چیه آی ایشقی چیراخدی
داغین داشی یئر دالینا دایاخدی
قوو باشی قیلیش قیشلاق آغیللی
کندین سئور اورگ یانان عاقیللی
بالا تپه تورپاخ دره چالا مئخ
باشدا گره ک بورکه اولا یاراشئخ
بوستانچی لار قوراردیلار آلاچئخ
یئیه ر دیلر بند دن دوشموش قوونو
قوواردیلار داغ دره نین اوونو
سارالخاش دان سال بیر نظر پار پارا
یولداش گره ک یولداشینی آختارا
انسان اولان انسانا وور ماز یارا
دوسلار گلین ال بیر اولو ب باریشاخ
آلله سئوه ن ائل لرینن قاریشاخ
تازه کندین شیرین سونون دوزونه
سئوگیله باخ آتا آنا اوزونه
عبرت اولسون اللی سینه یوزونه
آلچاق دانیش اینجیمه سین قولاخلار
آت کیشنه ییر سس بیراخیر اولاخلار
هئچ بیلمیرم گور گوره هاردان گئدر
عومور گئچر گوز قارالیر جان گئدر
خوش کیمسه نین حالینا انسان گئدر
بیزده گلین انسانلیقی ساخلیاق
حق دانیشب حق سئوه نی حاخلیاق
دئرمان ارخی آغ یئر قیزیل خارابا
سوسوز یولچو آللا نماسین سرابا
جانسیز آتا قوشولماسین ارابا
دور دوش یولا یولداشی یولدان تانی
چولچو گذر چولده تانیر اوغلانی
آلله دئییب هامیا امدادی وار
هر بیر یئرین خالق ایچینده آدی وار
بو سوزلرین آغیزلارا دادی وار
اوجی یازیب اوخویالار بیله لر
کند اوشاقی سئوونه لر گوله لر
شعر از فتح اله اوجی