من جسمیمه صاحب دگیلم جان دا سنین دی
جانیمدا داماریمدا گزن قان داسنین دی
چوخداندی باتیب اولدوزومون یوخدوچیخاری
صبح عالمی ایشّیخلی چیخان دان داسنین دی
توتمازبوچوروک تورمنه بیرقاشقالی دوشان
داشدان داشاقالخان ده لی جیران داسنین دی
گز یتدی دگیرمانی سوروش پنجه دنیم یوخ
باشیمدا گزن ترسه دگیرمان دا سنین دی
یولداش تانیماز قونشولاریم آدیمی بیلمز
دفترده یازیلمیش آدینان سان دا سنین دی
یولداشلاری بیربیرآییران بوز نفسیم وار
کونلومده یانان آتش سوزان دا سنین دی
باخماز منه بیرسوودوگوم اسمز منه ساری
یللرده اسن زلف پریشان دا سنین دی
دنیامالی ال چیرکیدی ال چئکمیشم اوندان
قالمیش آتادان مجمه گی قازقان دا سنین دی
غربتده قالیب رنج وکدرلر منیم اولسون
رستم تکی میدانداخی جولان دا سنیندی
یوخسول آتامین بورجونومن بوینوما آللام
گیزلین آلاجاقی اولاهریاندا سنیندی
بی وعده قوناخلار قالان اولسا بیزه گلسین
چاغئرسالاطوی مجلیسی احسان دا سنین دی
یالقوز آدیما اونده مه لی قوشما یاراشماز
بئگلربئگی سن سن لقب خان دا سنین دی
تورپاقلا بوغولموش کریزین آچماقی مندن
دالغانی یاران گوی گمی عمّاندا سنین دی
اوجی دئدی عشقینده آدیم دیللره دوشموش
سووگی له داشان دفتر ودیوان دا سنین دی
فتح الله اوجی