گوزللر
درمانه طـرف گتمه منــه چاره تاپیلماز دونیانی دولان گُــور بلـه آواره تاپیلماز
سالدین منی عشقین اودونا بیلمدیم آخیر بـــو یاره تکــی قلبیله ره یاره تاپیلماز
یوسیف دگیلــم من کی تاپام راه نجاتی شهــوتده زلیخا کیمـی بدکاره تاپیلماز
مهرونده اسیــرم من و زندانـی عشقم بیــر جورعه سو آیا بو گرفتاره تاپیلماز
آتدیم اَلیمی هر طرفه غمـلری دوتدوم بیر ذره خوش اولماخدا بو غمخواره تاپیلماز
هر عاشقین آخیـر تاپیلار ایتگینی آمما بیلمم نَــدی عیللت که منِ زاره تاپیلماز
بیر نامه ده سن نن اَلیمه چاتمادی حتی شاید کــی وفــا یار وفاداره تاپیلماز
تاریخیده چوخ واردی نشان واقعه لردن آگاه اولان اما بله اســـراره تاپیلماز
عاشقلری اولدوردو له دیوانه گوزللــر آختارما کی علت بله کشتــاره تاپیلماز
سعییله گرگ حسرتیمی نظمه چکـم من الهـــام اِلیِن بیر بله اشعـاره تاپیلماز
مجتبي كشوري فاتح