ایسته ره م

 

ایستره م یازدا آچان گول لری تفسیره چکه م

سونبولون ساچلاری نی باغ آرا تصویره چکه م

من غزل بولبولی ام  شان باهارین نغمه لرین

ایسته ره م پرده به پرده یئنی تقریره چکه م

بیرداها غنچه لرین سرینی  صبحون یئلی تک

داغ دا باغ دا آچاراق خلق آرا تدبیره چکه م

دولموش ادراکیما گلشن لرین آل دویغولاری

وار یئری صرت قایالاردا قیشی تسخیره چکه م

منیم ادراکیمی گوگ لرله دوگون وورموش لار

ایسته ره م آل گونشی شعرایله تاثیره چکه م

نه ایشیم وارقاریشام چورلو  چوروک دویغولارا

دورموشام عشق ایله آزادلیقی تحریره چکه م

شان لی یاز ئولکه سینه نوریاغیشین سسله میشم

شعرلن ایسته یره م جانلاری تنویره چکه م

شاعرم چوخ دا گوزه ل دیر کی یاشیل لیقدا گزه م

سئیر ائده م چول چمنی کویشنی  تعبیره چکه م

مژده وئر ائل اوبالار بوخبری دویسون لار

ایستیره م جان سخنور سوزو تکثیره چکه م

 

اسکندرنجفی سوها (سخنور)

اردبیل