دوداغ یاشماقی!
بویولدان یار گلیب کئچمیش یارین عطری قالیب باقی

بویول توپراقی اوپسم عتاب ائتمه منه ساقی


گوزوم یارین یوزون گورجک،یاغیرسانکی یاغیش یاغمیش

کونول وورغون اولان گوندن اولوبدور غملر اویناقی


طبیبا زخم کونلومدن ندور علت سوروشمورسان؟

یاتیپدور طاق کونلومده اونون قاشلارینون طاقی!


یوزون یوز گورمدیم یارین،اونی شمس الضحی گوردوم

اونی نقش ایلئن نقاش نه اعجاز اتدی بارماقی


نه دندور گیز لدیر مندن یوزونده خال هندونی

سپیر دوز یارمه ظالیم چکیراوستونله شلاقی!


الا باد صبا سویله او ظالیم یاره کی "راحل"

دئدی گورجک منی چکمه دوداغون اوسته یاشماقی


رضوان راحلی (راحل)-کانون ادبی شهریار سرعین