گؤزلرون يانماغيم ايستير گوره گل بيرده يانيم
سنكي بير يول تالادون وار يوخومي عيب ائلمز
گينه با اين همه گل مقدمون آتدا تالانيم
يوسفين ارزشي تك قيمتيم ارزان اولدي
يوخدو بازار محبتده منيم بير آلانيم
پونه وئردي منه ريحانه ساتان وار نه سبب
اولدو كاشانه عشقيمده عجب يئر سالانيم
وار اگر گوشه قلبينده منه ذرهجه يئر قوي
گليم اوردا قاليم خلق آرا آز خيردالانيم
گؤزلرون شاه بهبهسي چوخ سؤزي آنلاتدي منه
ايله بيل سن اولاجاقسان منه آخر قالانيم
منع عشقون اولا گر قويما بيله بيگانه
راضي اولما منه طعنه يئتيشه تا اوتانيم
سن ولي گوشه چشمينده منه بير يئر وئر
عالم لطفون آرا من سئوينيب دالدالانيم
اكبرين وار يوخو عشقايدي كي صاحب چيخدين
ايندي گؤز ياشيله آهيمدي اليمده قالانيم
علي اكبر قليزاده « اكبر »
منبع:انجمن ادبی سردرود