کرامت گونـو
ای دردی اولان شوقیله درمانه طرف گل
بیر همّت اله شاه خراســـانه طرف گل
درگاه رضادن اَلی بُش گلمدی بیـر کس
حاجاتی گُتور ملـک سلیمانه طرف گل
دریای کرمــــدور بو آقا غمــلی دولامّا
انبان گناهی گَتّـــی رضوانه طرف گل
سلطان دوعالمـــدی خبر چاتسی گدایه
آیری قاپیا گتمه بــو سلطانه طرف گل
ای جان که تلاطم الیرن سینه ده هردم
اولما نگران، حضــرت جانانه طرف گل
دنیا، هامی عاشقــدی اُو شاهنشه عشقه
اظهار اِله عشقیــن بله انسانه طرف گل
ای شیعــه کرامت گونـو ایرانّا چخیبدی
هر یِرده واران مشـــرق ایرانه طرف گل
ایستیر سن اگر جانیوه اولسون آقا ضامن
شیطانی آتیب عتـرت و قرآنه طرف گل
بش گون خوش اولان گولّری آت بلبل عاشق
مشهــدّه اولان باغ و گلسـتانه طرف گل
میخانه ی رحمت آچیلـوب داشــدی شرابی
بیر کاسه آلیب ساقــیِ مستانه طرف گل
«فاتح» دیمــه یُخ بیزلـره توفیـــق زیارت
سنده گتوروب جانــی خراسانه طرف گل
شعر از: مجتبی کشوری فاتح